Muigizaji nyota wa Bongo Movie, Gabo Zigamba amesema kuwa maandamano yake anayafanya kwa kutengeneza kazi bora kwa mashabiki zake waliompa nafasi ya kuonekana na siyo kuhofia soko kushuka.

Gabo amefunguka na kusema katika kuhakikisha soko linasimama na kuwa imara yeye ameamua kutengeneza kazi nzuri haswa katika kipindi hiki ambacho wasanii wengi wamekata tamaa.

Muigizaji huyo ameongeza kwa kusema kuwa kila mtu ana njia yake ya kufanya mapinduzi ya soko la filamu si lazima kila mmoja aandamane barabarani.

Kauli hiyo Gabo imekuja kufuatia wiki chache nyuma waigizaji wa Bongo Movie kuandamana kupinga uingizaji wa filamu za nje katika mitaa ya Agrey Kariakoo jijini  Dar es Salaam.

Pamoja na hayo Gabo amewataka mashabiki wa filamu waendelee kuwapatia changamoto za kejeli ikiwa ni pamoja na kusisistiza kazi nzuri ili wasanii wasibweteke isipokuwa kutoa lugha za matusi

Kwa upande mwingine Gabo amefunguka kuhusu picha zake na muigizaji Wema Sepetu  zenye mahadhi ya mapenzi zinazosambaa katika mitandao  ni kutokana na filamu wanayoiandaa ni ya mtindo wa ‘Romantic’.