Mwanamuziki wa Bongo Fleva, G Nako amefunguka na kuwataarifu mashabiki wake kuwa yupo mbioni kuachia minitape yake aliyoipa jina la ‘Kiti Moto’.

G Nako ni kati ya ma rappers wanaojua nini cha kuwapa mashabiki wao na kwa muda gani! Rapper huyu ambaye ni moja ya wanoaunda kundi la Weusi mara zote huwa hafanyi kazi mbovu, iwe ni ya kwake au ameshirikishwa.

Kwa kujali mashabiki wake kuelekea mwishoni mwa mwaka 2021, G-Nako ameachia Minitape ambayo ameipa jina la ‘Kitimoto’ Watu wengi wanaweza kushangaa jina la Minitape hii, lakini kimsingi G-Nako mwenyewe amemaanisha Kiti chenye Moto yaani mtu huwezi kukaa kwenye kitu muda wote lazima usimame kutokana na ukali wa ngoma zilizopo kwenye Minitape hii.

Ngoma zote ni ‘Club Banger, Minitape hii inajumuisha ngoma 9 za moto zenye kolabo za Wasanii mahiri. Ngoma zilizomo kwenye Minitape hii ni pamoja na ‘Unakaaje Chini’, ‘Stimu’ ‘Poison’ ft. Country Wizzy, ‘Shika Shila’ ft. Young Lunya, ‘Acha Dharau’, ‘Booty Goo’ ft. Spicy Meg & Petra, ‘Loko Loko’, ‘Ooh Mama’ pamoja na ‘Kitoko’.

Huu unakua ujio wake mpya baada ya miezi tisa kupita bila ya kuachia kazi zake mwenyewe kama solo artist tangu aachie wimbo wake wa mwisho ambao ni “Jiachie” uliotoka Machi 4, 2021.