Klabu ya Everton inayoshiriki ligi kuu nchini Uingereza inatarajiwa kuja nchini Tanzania kwa ajili ya ziara maalum.

Mwakilishi wa Sports Pesa Tanzania, Luca Neghesti amempa taarifa Waziri wa Mambo ya Nje na Ushirikiano wa Afrika Mashariki, Balozi Dkt. Augustine Mahiga juu Ya ujio wa timu hiyo.

Pia Waziri huyo amekutana na wawakilishi wa timu hiyo jana ofisi kwake jijini Dar es salaam kwaajili ya ziara hiyo hapa nchini.

Katika Mazungumzo yao walizungumza kuhusu maandalizi ya kuileta timu hiyo ya Everton ambayo kwasasa inashika nafasi ya saba kwenye msimamo wa ligi kuu ya Uingereza.

Katika ujio wa klabu hiyo watacheza mechi za kirafiki na timu za hapa nchini kwenye ziara hiyo.

Kwa upande wake Waziri Mahiga amesema ziara hiyo itasaidia kuitangaza Tanzania duniani pamoja na kuhamasisha mchezo wa mpira wa miguu kwa vijana wa Kitanzania.