Jumla ya mechi 16 za michuano ya Europa ligi hatua ya 32 bora inatarajiwa kuchezwa leo katika viwanja tofauti barani Ulaya.

Klabu ya Manchester United watakuwa wenyeji wa St-Etienne kutoka Ufaransa kwenye mechi itakayofanyika katika uwanja wa Old Trafford huku Tottenham Hotspur watakua ugenini kucheza KAA Gent.

AZ Alkmaar watacheza dhidi ya Lyon, Celta Vigo wataikabili Shakhtar Donetsk, huku Borussia Monchengladbach wakicheza ugenini na Fiorentina.

Ludogorets wao watakipiga na FC Copenhagen, huku Athletic Bilbao wakimenyana na Apoel Nicosia, Legia Warsaw watakua wenyeji wa Ajax , Anderlecht watakua nyumbani Ubeligiji kucheza na Zenit St Petersburg.

Villarreal watakua wenyeji wa Roma, Nao Hapoel Beer Sheva watachuana na Besiktas huku Paok wakicheza dhidi ya Schalke 04.