Aliyekuwa msanii wa Yamoto Band, Enock Bella amesema ukimya wake katika game ulisababishwa baada ya kutoa nafasi kwa wasanii wenzake Aslay na Beka Flavour.

Mwanamuziki huyo amesema kuwa wangetoa ngoma wasanii wote wa Yamoto Band wangewachanganya mashabiki hivyo kupeana nafasi kumeepesha jambo hilo kutotokea.

Bella ameongeza kwa kusema kuwa alikuwa anatoa nafasi kwanza kwa wasanii wenzake ili mashabiki waweza kufahamu kazi ya kila mmoja kwani ingekuwa siyo vizuri wote wasanii wa Yamoto Band kutoa nyimbo kwa wakati mmoja.

Msanii huyo amesema kuwa kama wasingeachiana nafasi wangewachanganya hata mashabiki lakini hii kuachia nafasi kidogo hata imesaidia kila mtu kutengeneza fan base yake.

Kwasasa mwanamuziki huyo anatamba na wimbo wake unaokwenda kwa jina la Sauda ambao ni wimbo wake wa kwanza baada ya kusambaratika kwa kundi la Yamoto Band.

Wasanii wa Yamoto Band kwasasa kila mmoja anafanya kazi kivyake na kila mmoja anasimamiwa na uongozi wake baada ya kuruhusiwa kufanya hivyo na aliyekuwa mmiliki wao Said Fella.