Mwanamuziki wa Bongo Fleva, Dayna Nyange baada ya kimya cha muda mrefu sasa amerejea na Extended Play (EP) inayoitwa ‘ELO’ ambayo alikuwa akiiandaa kwa kipindi cha miezi 6.

Akiwa jijini Lagos nchini Nigeria kwa shughuli zake mbalimbali ikiwa ni pamoja na muziki, Dayna amethibitisha kukamilika kwa projects zake kibao ikiwa ni pamoja na EP hiyo.

EP hiyo yake hiyo itakuwa ya kwanza kupitia mahojiano ‘’Moments With Dayna Nyange’’ huku kukiwa na collabo za ndani na kimataifa za kutosha.

Star huyo aliyewahi kutikisa kupitia kazi zake kama ‘Komela, Mafungu ya nyanya’ muda wowote ataweka wazi cover ya EP na tracklist.