Mwanamuziki mkongwe wa Bongo Fleva, Dully Sykes ameweka wazi kuwa yeye ni miongoni mwa wakongwe wa muziki huo mwenye mchango mkubwa.

Dully Sykes amesema kuwa mchango wake haujaishia kwenye kufungua milango ya muziki wa kuimba Tanzania bali hata katika kuvishika na kuvinyanyua vipaji vya wasanii wachanga.

Dully Sykes amesema kuwa wamefanikiwa kulea vipaji vya wasanii wengi ambao kwa sasa ni wakubwa na wanaofanya vizuri kwenye kiwanda cha muziki nchini na hata nje ya mipaka akimtaja mwanamuzuki Darassa kuwa mmoja wa wasanii waliopitia kwenye mikono yake kabla ya kuwa nyota mkubwa wa muziki wa bongo fleva hivi sasa.

“Kama Nikitaka Kujizungumzia, kina Darassa wote wamepitia mikononi mwangu na ni wakubwa, sasa hivi ni wa kimataifa, hawa na wasanii wengine sitaki kuwataja hapa wote, huwa sina desturi ya kuzungumzia hivyo vitu,” aliongeza.

Pia amesema kuwa Kama umeumbwa uwanaume na una akili huwezi ukazungumza kwamba flani flani nimewasaidia, haipendezi utasubiri wenyewe watasema.”