Mwanamuziki wa Bongo Fleva, Dully Sykes amesema kuwa Harmonize ni kijana wake kama walivyo vijana wake wengine na hana tatizo naye kama inavyochukuliwa na watu.

Dully Sykes ameongeza kusema baadhi ya watu mitaani na mitandaoni ndio wanasababisha maneno na story zinazoendelea ila kwao hawana tatizo lolote na ikitokea kufanya kazi nyingine na Harmonize wataifanya.

Mwanamuziki huyo amesema kuwa hana tatizo na mwanamuziki huyo licha ya watu kusambaza taarifa hizo ila wapo vizuri.

Wasanii hao waliwahi kufanya nyimbo za pamoja kipindi hicho Harmonize akiwa katika label ya Wasafi chini ya Diamond Platnumz.