Mwanamuziki wa Bongo Fleva, Dogo Janja amewatolea uvivu baadhi ya watu wanaomsema kuwa anajidai ana viatu vingi wakati vyote ni feki, jambo ambalo mwenyewe amelikanusha.

Dogo Janja amesema kuwa kuwa siyo kwamba anajidai, ni kweli ana viatu vingi na vyote ni orijino kwani yeye huwa havai viatu feki hivyo watu waache kuongea mambo wasiyokuwa na uhakika nayo.

Amesema kuwa “Mimi napenda sana viatu na hata ukija kwangu nina pea nyingi sana, tena vyote ni orijino binafsi huwa sivai kitu feki, kwa hiyo watu wasipende kuongea mambo wasiyokuwa na uhakika nayo,”.

Mwanamuziki huyo amesema kuwa yeye hawezi kuvaa vitu feki kwasababu ana uwezo wa kifedha hivyo hawezi fanya hivyo labda wengine lakini siyo.

Dogo Janja ambaye kwasasa kama ameuweka muziki pembeni amesema kuwa yeye vitu vyake vingi anaviagiza kutoka nje ya nchi.