Mwanamuziki wa Bongo Fleva, Dogo Janja amefunguka na kusema kuwa ameshangazwa na kasi ya mauzo ya Albam yake mpya ‘Asante Mama’ ambayo ameendelea kuyashuhudia ndani ya kipindi kifupi.

Album hiyo yenye nyimbo 11 ikiwa ameshirikisha wasanii wakubwa wa kike Mimi Mars, Nandy, Maua Sama, Khadija Kopa, Lulu Diva, Rosa Ree, Lady Jaydee na Linah mpaka sasa imepata streams zaidi ya laki 1 kwenye mtandao wa kupakua na kusilikilizia muziki Boomplay Music.

Janjaro amesema “Nimewahi kuamini katika upendo, sijawahi amini katika mkanganyiko,asanteni sana, inanipa hamasa zaidi ya kuendelea kufanya kazi nzuri’’.

Asante Mama ni album ya pili ya Janjaro na ilitoka Mei 21 mwaka huu. na jumla ya nyimbo 11 ambazo zinapatikana ndani ya albam hiyo mpya.