Mtangazaji wa kipindi cha ‘Ala za Roho’ cha Clouds FM, Diva The Bawse amesema yuko mbioni kumnasa Bosi wa lebo ya Konvict Music, Akon.

Diva alifunguka mpango huo hivi karibuni ikiwa ni sehemu ya mpango wa kuikamilisha albam yake ya ‘Ala za Roho’.

Diva amesema kuwa “Sasa hivi nawasiliana na Akon, kama tutaweza kumpata akatusaidia baadhi ya vitu.

Nasikia ni mtu ambaye yuko fresh sana. Naangalia jinsi ambavyo tunaweza kumpata ili tuweze kufanya kitu kizuri,”.

Diva ambaye alianza na muziki kabla hajawa mtangazaji, amesema kuwa albam yake ijayo itakuwa pia na wasanii wengi wakubwa kutoka Afrika kama Run Town, Brick and Lace, Khaligraph Jones, P-Unit na wengine kutoka ndani ya nchi.