Mwanamuziki wa Bongo Fleva, Diamond Platnumz ameshinda tuzo ya Best Male MVP kutoka Kituo cha Runinga cha Soundcity baada ya kuwashinda Davido, Wizkid na 2face.

Wasanii wengine waliokuwepo kwenye kinyang’anyiro hicho ni Run Town, Olamide kutoka Nigeria wengine ni Shatta Wale na Sarkodie kutoka Ghana pamoja na Navio kutoka nchini Uganda.

Diamond ndio msanii pekee kutoka Tanzania na Afrika mashariki kushinda katika tuzo hizo kubwa Afrika.

Wasanii wengine wa Tanzania walikuwa wakiwania tuzo hizo ni Vanessa Mdee katika kipengele cha ‘Best Female MVP’ ambapo alichuana na wasanii kama Tiwa Savage, Niniola, na Yemi Alade.

Aslay naye alikuwa akiwania kwenye kipengele cha ‘Best New MVP’ ambapo alikuwa na wasanii kama Maleekberry, Mayorkun, Diceailes, SmallDoctor wote kutoka Nigeria, Na Nadia Nakai kutoka Afrika Kusini.

Wengine ni Alikiba katika kipengele cha Song of The Year kupitia wimbo wake wa Seduce Me na kundi la Nany Kenzo katika kipengele cha Best Group.