Mwanamuziki wa Bongo Fleva, Diamond Platnumz amesaini mkataba na kampunizi ya kimataifa ya Warne Music Group kwa ajili ya kusimamia kazi zake za muziki kimataifa.

Hatua hiyo imefikiwa na Diamond Platnumz kutokana na ushirikiano wa kibiashara kati ya Warner Music Group na Ziiki Media ambao uliwekwa rasmi mnamo May 11, 2020.

Hii ni hatua kubwa sana kwenye muziki wa Diamond na Bongo Fleva kwa ujumla kwani itamfanya Diamond Platnumz kuwa na urahisi wa kufanya kolabo na wasanii zaidi ya 50 ambao wote wanafanya kazi chini ya mwamvuli wa Warner Music Group.

Taarifa ya Diamond Platnumz kuingia mkataba na Warner music group kupitia Mziiki imewekwa wazi na Mziiki wenyewe kupitia ukurasa wao wa Instagram kuhusu mkataba huo.

Baada ya kusaini mkataba huo anaungana na mastaa wengine duniani waliosaini mkataba na Warner Music Group kama vile Edsheeran, Cold Play, Burna Boy, David Gueta, Jbalvin na Jason Derulo.