Mwanamuziki wa Bongo Fleva, Diamond Platnumz ameamua kujichimbia nchini Afrika Kusini kwaajili ya kufanya maandalizi ya Album yake mpya.

Diamond Platnumz ameondoka Tanzania siku ya jana akiwa na mtayarishaji wa muziki S2kizzy ambaye amekuwa akifanya nae kazi nyingi sana kwa sasa.

Baada ya kutua Afrika Kusini Diamond Platnumz amepost video kupitia Insta Story yake ikimuonesha S2kizzy akiwa kwenye shughuli ya uandaaji muziki na kuandika “Album Making Day 1”.

Hii ni habari njema kwa mashabiki wa staa huyo kwani ni miaka mitatu sasa imepita toka staa huyo aachie Album yake ya A Boy From Tandale ambayo ilitoka mwaka 2018 na kufanya vizuri.