Wanamuziki wa Bongo Fleva, Diamond Platnumz, Zuchu, Harmonize na kundi la Rostam wamechaguliwa kuwania Tuzo za MTV Mama Awards ambazo zitatolewa Kampala Uganda mwanzoni mwa mwaka 2021.

ROSTAM ambao ni Roma na Stamina wanawania Tuzo ya Kundi Bora Afrika wakiishindani hiyo Tuzo na Sauti Sol, Ethic, Calema, Kabza de small na Dj Maphorisa, pia Blaq Diamond.

Kwa upande wa mwanamuziki Zuchu anawania Tuzo ya Breakthrough Act akiwa na Tems, Sha Sha, Omah Lay, John Blaq, Focalistic na Elaine.

Naye Harmonize anawania Tuzo ya Msanii Bora wa kiume akiipambania na Burna Boy, Fireboy DML, Innoss’B, Kabza de Small, Master KG na Rema.

Pia Diamond Platnumz anaiwania Tuzo ya Msanii bora wa mwaka kwenye kipengele kimoja na Burna Boy, Calema, Davido, Master KG, Tiwa Savage na Wizkid.