Mwanamuziki wa nyimbo za asili nchini, Saida Kalori amesema kuwa Diamond na Belle 9 wameshiriki kwenye albam yake mpya itakayoitwa ‘Naamka’.

Saida amesema kuwa albam yake hiyo mpya itatoka hivi karibuni na wasanii hao wameamua kumpa ushirikiano kwenye albam hiyo.

Saida aliyewahi kutamba na Wimbo wa Chambua Kama Karanga ‘Maria Salome’ amesema kuwa anamshukuru Mungu amerudi tena kwenye gemu na wasanii hao wamempa nguvu ya kufanya vizuri katika albamu hiyo.

“Nimeamka tena jamani nashukuru nimebebwa na wasanii wenzangu Diamond na Belle9 ambao nimewashirikisha kwenye nyimbo zangu ambazo zipo kwenye albamu itakayotoka hivi karibuni,”.

Ikumbukwe kuwa Belle9 aliwahi kutoa wimbo wa Give It To Me ambapo ndani yake ameweka vionjo vya Wimbo wa Chambua Kama Karanga wakati Diamond naye amefanyia ‘remix’ ya wimbo huo wa Saida kwa kuita jina la Salome.

Saida Kalori alijizolea umaarufu kutokana na kipaji chake cha kuimba nyimbo za asili zenye maadhi ya lugha ya kihaya.