Mwanamuziki wa Bongo Fleva, Diamond Platnumz amefunguka na kusema kuwa chombo chochote cha habari ambacho hakipigi nyimbo za WCB basi kitapotea kwani yeye ana mashabiki wengi.

Diamond amesema hayo baada ya baadhi ya media nchini kuacha kupiga nyimbo za wasanii wa WCB kutokana na tofauti zao.

Baadhi ya media nchini zimeacha kupiga nyimbo za WCB kutokana na mameneja wao kuwa na tofauti na media hizo ambapo vituo viwili vikubwa hapa nchini Clouds Media pamoja na Est Africa Radio vimeacha kupiga nyimbo za wasanii wa lebo hiyo.

Pia Diamond amesema kuwa Wasafi Radio na Tv zinatarajia kuwa hewani hivi karibuni ambapo amesisitiza vitasaidia  katika kukuza mziki.

Kwa upande mwingine Diamond amefunguka kuhusu albamu yake ambayo ndani yake kuna nyimbo ambazo amewashirikisha wasanii kadhaa ikiwemo Rick Ross, Neyo na Omarion.