Mwanamuziki wa Bongo Fleva, Diamond Platnumz ametwaa tuzo katika Kipengele cha Msanii Bora wa Mwaka Afrika 2021 (African Artist Of The Year) katika Tuzo za Ghana Music Awards zinazotolewa nchini Uingereza.

Diamond alikuwa anawania kipengele hicho na wakali wengine Afrika kama Burna Boy, Davido, Wizkid, Master KG, Fireboy.

Wengine ni Patoranking, Sinach, Mercy Chinwo, Judikay na Teni ambao wote walikuwa wanawania tuzo hiyo.

Diamond hakuweza kuhudhuria hafla ya utoaji wa tuzo hizo kutokana na kuanza ziara yake ya muziki nchini Marekani hapo juzi ambapo atafanya shoo 11 hadi Oktoba 31, 2021.