Mwanamuziki wa Bongo Fleva, Diamond Platnumz amemzawadia gari aina ya Honda CRV mmoja wa mameneja wake, Saidi Fella ‘Mkubwa Fela’ ikiwa ni zawadi katika kutimiza miaka 23 ya ndoa yake

Fela amesema kuwa Diamond ameona umuhimu wa meneja wake kuhama kutoka kwenye Prado ambayo ameitumia kwa muda mrefu kiasi cha watu kumshangaa.

“Mondi hajawahi kuniambia kama ana mpango wa kuninunulia gari lakini juzi nashangaa nimeletewa gari na mwanangu mmoja anaitwa Mudi akaniambia bana Naseeb kasema nikuletee… nikamuuliza kweli, ningekuwa mtoto ningelia vilevile kwa furaha lakini sisi wakubwa mambo ya magari ni jambo la kawaida.

“Kawa hiyo nashukuru kwamba ameona nini nimefanya kitu kwake kwa miaka zaidi ya 10 akaniambia bwana nakupongeza, nilipompigia simu alianza kuniambia kwanza nakupongeza licha ya kwamba umenilazimisha nioe lakini pili nimependa wewe na wife wako sasa umetimiza zaidi ya miaka 20 ya ndoa kwa hiyo nakupongeza,”.