Mwanamuziki wa Bongo Fleva, Diamond Platnumz amemtupia dongo aliyekuwa mwanamuzi wake kwenye lebo hiyo, Harmonize kwa kitendo cha kuikashifu lebo hiyo na wasanii wake baada ya kujiondoa na kuanzisha lebo yake ya Konde Gang.

Diamond amesema jambo hilo linashusha jitihada za kuikuza sanaa ya muziki nchini kwani kitendo cha kuisema lebo ambayo imekutoa kimuziki siyo kizuri.

“Wakati tunaanzisha Lebel ya WCB tulimuomba Madee atupatie Rayvanny wakati ule akiitwa Rayvanny Tip Top, kule alikuwa akiwaandikia watu nyimbo lakini alipofika WCB tumembadilisha vitu vingi sana.

“Kuna watu huwa wanajifanya wanawaongoza wasanii kumbe wanawapotosha. Kwa mafanikio aliyo nayo Rayvanny angekuwa mtu mwingine angekuwa ameshatukana matusi yote kuliko msanii mwingine yeyote. Hakuna mtu asiyependa mtu asifanikiwe lakini kufanikiwa kwako ndiyo tutakavyotukanwa sisi na masuti yetu.

“Tuondoe dhana ya kuwa si kwamba ili ufanikiwe lazima uwakashifu au kuwatukana matusi watu waliokusaidia katika maisha yako, hii inashusha muziki na kuleta chuki katika nchi, inaleta matabaka kwenye industry, hizi ni baraka za Mungu wala sio uchawi, tufanye kazi,” amesema Diamond.