Tajiri namba moja Afrika, Aliko Dangote amesema kuwa kama jaribo lake la kuinunua Arsenal litafanikiwa atamfukuza kazi kocha wa timu hiyo, Arsene Wenger.

Dangote amesema hayo wakati wa mahujiano maalum kuhusu mwenendo wake wa kuinunua klabu hiyo inayoshiriki ligi kuu nchini Uingereza.

Tajiri huyo raia wa Nigeria amesema amekuwa shabiki wa Arsenal tangu mwaka 1980 hadi sasa licha ya klabu hiyo kufanya vibaya.

Wenger ni mmoja wa makocha wa kandanda wanaosifika sana barani Ulaya na hivi majuzi, alisaini mkataba wa miaka miwili na kuendelea kuwa na klabu hiyo kwa zaidi ya miongo miwili.

Kuna maoni tofauti kutoka kwa wafuasi wake, wengine wakisema kuwa klabu hiyo inahitaji kocha mpya ili kiweze kurejea hadhi yake.