Mwanamuziki wa Bongo Fleva, Mbosso amefunguka na kusema kuwa almeshindwa kuingiza peasa baada ya shoo zake kufutwa kutokana na ugonjwa wa Corona.

Mbosso ambaye yupo chini ya lebo ya WCB amesema kuwa alikosa mapato hayo kutokana na mlipuko wa janga la Virusi vya Corona ambapo nchi mbalimbali zilifunga mipaka yake na kusitisha mikusanyiko ya watu.

Amesema kuwa amejikuta akipoteza shoo nyingi ambazo zingemuingizia kati ya shilingi milioni 80 hadi milioni 100 za Kitanzania.

“Nilikuwa hadi na shoo nchini Ufaransa. Shoo hizo zote nilitakiwa nizifanye kuaniza mwezi wa nne hadi sasa. Lakini naamini mambo yatakaa sawa tena,” amesema Mbosso ambaye pia ni mtunzi wa nyimbo nyingi na kubwa.

Siku kadhaa zilizopita Diamond Platnumz alisema kwa upande wake amepoteza zaidi ya shilingi bilioni 3 kutokana na janga la Corona.