Staa wa hip hop Bongo, Rashid Makwiro maarufu kama Chid Benz na wenzake saba wamekamatwa na Jeshi la polisi Mkoa wa Ilala kwa tuhuma za kukutwa na dawa za kulevya aina ya Heroine.

Kamanda wa Polisi Mkoa wa Ilala, Salum Hamduni amesema watuhumiwa hao walikamatwa Agosti 12 mwaka huu  saa 11.50 jioni wakijihusisha na uuzaji wa dawa za kulevya.

Kamanda huyo amesema kuwa jeshi la polisi limefanya msako wake na kuwakamata    watuhumiwa hao wakiwa katika eneo ambalo linajihusisha na uuzaji wa dawa hizo.

Pia kamanda huyo amesema kuwa “Chid Benz na wenzake  wapo kituo cha Polisi cha msimbazi ambapo tunaendelea na upelelezi ukikamilika tutawafikisha mahakamani na kiasi cha dawa zilizokamatwa zimepelekwa kwa mkemia mkuu na itajulikana ni kiasi gani za dawa za kulevya zilizokamatwa,”.

Kamanda Hamduni amesema jeshi hilo linafanya msako liweze kubaini mtandao mzima unaojihusisha na biashara ya dawa za kulevya na watumiaji ili kuhakikisha wote wanachukuliwa hatua na kufikishwa kwenye vyombo vya sheria.