Mwanamuziki wa rap, Bongo Chemical amesema anashangaa kwanini hawamuweki kwenye orodha ya wasanii wenye elimu hapa nchini Tanzania wakati vyeti vyake vipo vizuri na amesoma hadi chuo kikuu.

Chemical amesema kuna siku aliona story inayohusu wasanii wenye elimu kwenye mtandao wa Youtube lakini alishangaa hakuwekwa kwenye orodha hiyo ila akagundua kuwa mtu akiwa na elimu mpaka ajitangaze.

“Nashangaa sana niliwahi kuangalia YouTube nikakuta baadhi ya wasanii wamewekwa kuwa ndiyo wenye elimu ya juu halafu mimi hawakuniweka nilishangaa sana, nikagundua elimu ya mtu mpaka mtu mwenywe aseme” amesema Chemical

Pia ameongeza kusema ”Elimu yangu ni ya juu hata vyeti vyangu sio vibaya, nisingekuwa UDSM kama vyeti vingekuwa vibaya na sijapata division four, nipo vizuri”.

Baadhi ya wasanii ambao wanatajwa kwamba wamefika mbali kielimu ni Nikki wa Pili, Mwana Fa, Wakazi, Cpwaa, Mike T na wengineo.