Mwanamuziki wa Bongo Fleva, Cheed kutoka Konde Music Worldwide ameajiachia wimbo wake wa kwanza ‘’Wandia’’ baada ya siku zaidi ya 350 kupita tangu atambulishwe kwenye lebo hiyo.

Kwenye wimbo huo mpya Cheed ameimbia namna msichana wa Kibantu ambaye aliamua kumpenda kijana mwenye maisha duni na bila kujali wanapitia changamoto gani maishani lakini alikua akimpenda na kumjali.

Mwanamuziki huyo amekaa muda mwingi sana bila kuachia nyimbo toka ajiunge na label hiyo ya Konde Gang chini ya Harmonize.

Baada ya kuachia wimbo huo mwanamuziki huyo amewataka mashabiki wake kumsapoti ili wimbo huo uendelee kufanya vizuri kwani bila mashabiki hakuna kitu.