Mwenyekiti wa Jumuiya ya Wazazi ya Chama Cha Mapinduzi (CCM) Abdallah Bulembo amesema kuwa hatogombea tena nafasi hiyo kwenye uchaguzi ujao.

Bulembo ametoa kauli hiyo leo kwenye kikao cha Baraza hilo kilichofanyika mjini Dodoma ambapo ametumia fursa hiyo kuwaaga wajumbe wa Jumuiya hiyo ambao wamehudhuria kikao hicho.

Mwenyekiti huyo amesema kuwa sababu ya kutogombea nafasi hiyo ni utamaduni wake wa kuachia madaraka na si sababu ya ubunge alioupata.

Bulembo amewataka wajumbe wanaotaka kugombea nafasi hiyo wanatakiwa kufuata taratibu za Jumuiya hiyo na siyo kumfuata yeye kumuomba msaada kwenye nafasi hiyo.

Kiongozi huyo ni miongoni mwa wabunge wapya walioteuliwa na Rais wa Jamhuri ya Muungano wa Tanzania, John Pombe Magufuli kwenye bunge la Serikali ya awamu ya tano.