Mwanamuziki wa Bongo Fleva, Billnass amesema kuwa Alikiba ni miongoni mwa wasanii anayempa ushirikiano mkubwa kwa kila jambo katika muziki wake.

Billnass amesema kuwa Alikiba anamsapoti katika harakati zake na kudai siku zikikaribia huenda wakatoa wimbo wa pamoja.

“Nina mahusiano mazuri na Alikiba na huwa ananishauri mambo mengi katika kazi zangu hata muda mwingine huwa tunataniana, naamini anakubali kazi zangu maana huwa nikiachia ngoma huwa ananiambia mdogo wangu hapo fresh au kazia buti sehemu fulani. Inshallah panapo majaliwa nitafanyakazi na Alikiba ila kwa sasa sitaki kuliweka wazi suala hili, ila watu wajue tu kuwa tunamawasiliano mazuri baina yetu”,.

Mwanamuziki amesema kuwa siku za mbele anatarajia kufanya kazi na mwanamuziki huyo nyota wa Bongo Fleva.