Mwanamuziki wa Bongo Fleva, Ben Pol amesaini dili na kampuni ya Green Telecom Limited inayojihusisha na masuala ya mawasiliano na IT kwa ajili ya kampeni ya Ishi Kistaa season 2.

Ben Pol amesaini dili hilo jana katika ofisi za kampuni hiyo iliyopo katika jengo la Viva Tower Barabara ya Mwinyi jijini Dar es Salaam.

Ben Pol baada ya kusaini dili hilo ameishukuru kampuni hiyo kwa kumpatia dili hilo ambalo linakuwa la kwanza kwa mwaka huu, huku akisema atajitoa kwa nguvu zake katika kampeni hiyo ya Ishi Kistaa season 2.

Ben Pol anaungana na wasanii kama vile Dully Sykes, Msamii, pamoja na Man Fongo katika kusaini dili hilo.