Mwanamuziki wa Bongo Fleva, Ben Pol na muigizaji wa vichekesho nchini, Ebitoke wameamua kutoa wimbo wa pamoja unaojulikana kwa jina la ‘Natuliza Boli’.

Ben Pol ameamua kumshirikisha msanii huyo baada ya kuwaahidi mashabiki zake kuwa moja ya mambo atakayoyafanya kwa mwaka huu ni kumshirikisha msanii huyo wa vichekesho katika kazi zake.

Mbali na kazi hiyo, Ben Pol ameweka wazi kuwa kuna kazi nyingine nyingi zinakuja huku akiwa na mrembo huyo.

“Kufanya kazi na Ebitoke ni moja ya ndoto zangu, tulijiwekea nia hiyo ya kufanya kazi pamoja, Ebitokea ni mshikaji wangu wa karibu sana na tutaendelea kushirikiana katika kazi zetu kila itakapohitajika,”.

Wawili hao wameamua kufanya kazi ya pamoja baada ya ukaribu wao kuwaweka karibu na mashabiki wao.