Mwanamuziki wa Bongo Fleva, Ben Pol amefunguka na kusema kuwa kwasasa anatamani kufanya wimbo na Papii Kocha kwani ni mwanamuziki mwenye kipaji kikubwa.

Ben Pol amesema kuwa endapo akipata nafasi ya kufanya kazi na mwanamuziki huyo hatoichezea kwani anaamini wanatafanya kazi iliyo bora kutoka na uhodari wa mwanamuziki huyo.

Mwanamuziki huyo ameendelea kusema kuwa alikuwa akisikia nyimbo za Papii Kocha kabla ya yeye kuingia kwenye muziki hivyo anajua vizuri kipaji cha mwanamuziki huyo.

Ben Pol ameendelea kusema kuwa wimbo mpya wa Papii Kocha ni wimbo ambao anausikiliza kila wakati kutokana na mashairi pamoja na uimbaji wa mwanamuziki huyo ndani ya wimbo huo.

Papii Kocha kwasasa anatamba na wimbo wake mpya unaokwenda kwa jina la ‘Waambie’ ambao unaendelea kufanya vizuri katika radio na Tv mbali mbali nchini baada ya kuachiwa wiki iliyopita.