Mwanamuziki wa Bongo Fleva, Belle 9 amekanusha tetesi za kurudi nyumbani kwao Morogoro baada ya maisha ya Dar kumshinda.

Belle 9 aliainiwa na lebo ya ‘Vitamin Music’ ambayo ilimuhamisha kutoka Morogoro na kumleta Dar kwa ajili ya kufanya Muziki lakini baada ya kuoa  Belle 9 alipotea kidogo.

Baadae zilizuka stori kuwa Belle 9 ameamua kurudi nyumbani Morogoro kutokana na kukosa shoo na kufulia hapa Dar kiasi ya kwamba Ana kosa hata pesa ya kulipia kodi ya nyumba.

Belle 9 amekana tetesi hizo za kufulia na kusema hajahama Dar bado yupo mjini ila baadhi ya watu wasiompenda ndiyo wanasambaza habari hizo.

Belle 9 amerudi upya na kazi yake mpya aliyotoa siku chache zilizopita inayokwenda kwa jina la ‘Dada’ ambayo inafanya vizuri kwasasa.