Mwanamuziki wa muziki wa Dansi nchini, Christian Bella amemshukuru Rais wa Jamhuri ya Muungano wa Tanzania, Samia Suluhu Hassan kwa kuukubali muziki wake na kumpongeza.

Tukio hilo lilijiri kwenye uzinduzi wa Mfumo wa Usafirishaji wa Dharura kwa Wajawazito na Watoto Wachanga (M-MAMA).

Halfa hiyo iliyofanyika katika Viwanja vya Chinangali Park jijini Dodoma ambapo Bella alishusha zile melodi zake hasa za wimbo wa Nani Kama Mama na kukonga nyoyo za wengi akiwemo Rais Samia ambaye alimfuata na kumpongeza.

Bella anasema; “Mtu mwingine anaweza kuona ni jambo dogo, lakini kwangu ni tuzo kubwa sana kwa Rais kutambua kazi yako.

Mimi nasema asante President na namuombea atomize majukumu yake vizuri kwa sababu Watanzania wanampenda,”.