Mkali wa muziki wa Dansi nchini, Christian Bella amedai kuwa muziki wa  dansi haukufanya vuzuri kabisa kwa mwaka huu kwa saabu mziki wa Bongo fleva umeuzima kabisa.

Christian Bella sio msanii wa kwanza kulalamika kuwa mziki wa aina nyingine zaidi ya Bongo fleva haukufanya vizuri ni siku chache tu zilizopita mkali wa mziki wa Taarabu nchini Khadija Kopa alidai kuwa mziki wa Taarab haukufanya vizuri kwa mwaka huu kwa sababu ya sheria ya Makonda ya mziki mwisho saa sita.

Lakini pia msanii wa Hip hop Kala Jeremiah amekiri kuwa mwaka 2017 haukuwa mwaka mzuri kwa mziki wa hip hop kwani haukuvuma kabisa, pia Msaga Sugu mkali wa Singeli alikiri pia mziki huo ulidoda kwa mwaka huu wa 2017.

Christian Bella aliongelea mziki wa Dansi ambao hufanya vizuri kila msimu lakini amedai kwa mwaka huu umedoda kwa sababu ya nafasi kubwa ya mashabiki wameegemea zaidi kwenye mziki wa Bongo fleva.

Bella amekiri pia sababu nyingine iliyozima mziki wa dansi kwa mwaka huu ni wasanii wa dansi kutopendana.