Muigizaji wa Bongo Movie, Irene Uwoya ameonesha jeuri ya pesa kutokana na bata anazokula huko Dubai.

Sehemu anazokula bata kipande hicho ni zile ambazo hutembelewa na mastaa wa Dunia kama katika Dubai Mall na Burj Khalifa.

Uwoya amesema kuwa, anawashangaa wanaomshangaa anavyokula bata kwa maana hiyo ndiyo aina ya maisha yake ya kila siku.

Uwoya anaongeza kuwa, anafanya hivyo kwa ajili yake na afya ya akili yake kwani ni lazima apate muda mzuri wa kupumzika.

“Watu wengi unakuta wanajiuliza bata ninazokula, lakini watambue hata wao wanatakiwa kula bata kwa kadiri wawezavyo ili kuweka afya za akili zao katika hali nzuri.

Uwoya amekuwa na safari nyingi za Dubai kwa ajili ya bata huku nyuma akiacha maswali kedekede juu ya ni wapi anapopata mamilioni ya pesa anayoteketeza kila kukicha.