Meneja wa Diamond Platnumz, Babu Tale amekamatwa kutokana na kesi ya madai inayomkabili.

Babu Tale na mdogo wake Idd Tale waliamuliwa kukamatwa na mahakama tangu tarehe  February 16 mwaka huu na naibu katibu msajili wa mahakama kuu baada ya kupokea kesi ya madai kutoka kwa  Sheikh Hashim Mbonde.

Hata hivyo tangu kulipotolewa amri hiyo ya mahakama Babu Tale na ndugu yake wamekuwa wakitafutwa bila mafanikio.

Wawili hao wamekamatwa siku ya May 21 mwaka huu na kupelekwa mahabusu moja kwa moja huku wakisubiri kuitwa tena mahakamani.

Mahamani kuu ambayo ilimuamuru babu tale kumlipa Sheikh Hashim Mbonde faini ya shilingi milion 250 za kitanzania kutokana na kesi ya madai baada ya kukutwa na hatia ya kutokuwa na hakimili ya kutumia masomo ya mhadhili huyo wa dini katika shughuli zao za kibiashara bila kuwa na ruhusa yake mwenyewe.

May 22 Babu Tale alifikishwa mahakamani ili kusikilizwa kwa kesi hiyo iendelee na kusikiliza hukumu lakini kesi hiyo ilihairishwa na Babu Tale kurudishwa mahabusu kwa sababu  naibu msajili aliyetoa amri ya kukamatwa kwake kutokuwepo mahakamani hapo.