Meneja wa mwanamuziki wa Bongo Fleva, Diamond Platnumz ‘Babu Tale’ ametangaza kufanyika kwa Tamasha liitwalo ‘Waukae Festival’ litakalofanyika mkoani Morogoro.

Kupitia ukurasa wake wa Instagram Babu Tale amepost picha ikiwa na wasanii Watakao hisika kwenye tamasha hilo la “Waukae festival”.

Ameanza kwa kuandika “Matamanio makubwa katika kutekeleza majukumu ya heshima muliyonipatia Wana-Morogoro Kusini Mashariki ni kulifanya Jimbo letu kuwa sehemu ya Dunia.

Fahari pekee kwangu ni kuihusisha Jamii yetu na kila fursa njema kwenye kila nyanja ikiwemo Uchumi, Siasa, Sanaa na Michezo. Mimi naamini Sanaa na Michezo inafungua milango ya uchumi.

Nimeona nishirikiane nanyi katika kutumia Sanaa na Michezo kama fulsa kwa kuanza na WAUKAE FEST ambayo ni yakwenu Wana-Morogoro Kusini Mashariki.

Naomba tukutane tarehe 05/08/2021 kwenye KATA YA KILOKA BURE KABISA kwa ajili ya kuhudhuria kwa tamasha hilo la Waukae Festival.