Mwanamuziki wa Bongo Fleva, Baba Levo amefunguka na kusema kwamba Harmonize hana uwezo wa kumzima Diamond Platnumz kwa lolote iwe kimuziki iwe kimaisha.

Baba Levo amesema kuwa Harmonize bado hajai hata kwenye kiganja cha Diamond kwani ni kama mtoto tu anayejaribu kuiga baba’ke wa muziki.

Baba Levo amesema kuwa Harmonize ameshindwa na kuamua kutumia njia hasi ya kutembeza chuki na matusi dhidi yake mitandaoni badala ya kujitahidi kumfikia na akishindwa kumfikia basi arudi kujiunga naye na kumshabikia.

“Harmonize hana uwezo wa kutengeneza kiki ya kumfunika Diamond Platnumz, kwa vyovyote vile hana uwezo wa kuzima EP ya FOA,” anasema Baba Levo.

Diamond anatilia mkazo kwamba amesema mara nyingi tu kwamba si Harmonize pekee, bali msanii yeyote atakayedanganyika akajaribu kushindana na Diamond, basi atapoteza vingi; yaani itakuwa kama ng’ombe anayejaribu kushindana na ndovu, bila shaka atakwama kwenye gogo la tembo.

“Nimeshasema mtu yeyote atakayejaribu kushindana na Diamond ataishia kupoteza vitu vingi,” anasisitiza Baba Levo.