Baada ya kukutana na kupiga picha na Alikiba, mkali wa hip hop Bongo, Dogo Janja amesema kuwa amefanikiwa kutimiza moja ya ndoto zake.

Kupitia akaunti yake ya Instagram Dogo Janja ameweka picha hiyo aliyopiga na Alikiba wakiwa mkoani Arusha wakijiandaa na Tamasha la Fiesta litakalotimua vumbi mkoani humo.

Dogo Janja ameandika “Alhamdulilah leo nimetimiza ndoto yangu ingine yakupiga picha na alikiba @officialalikiba.

Wawili hao ni miongoni mwa wasanii watakaotumbuiza jukwaa la muziki la Fiesta linalotarajiwa kuanza rasmi katika Mkoa wa Arusha hapo kesho katika Uwanja wa Sheikh Amri Abeid.