Kocha wa Manchester United, Jose Mourinho amesema kuwa huenda mbio za ubingwa wa EPL zikawa zimefika tamati baada ya timu yake kupoteza 2-1 dhidi ya mahasimu wao Manchester City jana usiku.

Mourinho amekiri kuwa ni vigumu kuikamata Manchester City ambayo hivi sasa imewaacha kwa tofauti ya pointi 11.

Pia Mourinho ameongeza kuwa kikosi cha Man City ni bora lakini pia kinasaidiwa na bahati ndio maana ni vigumu kuwapata.

Magoli ya David Silva na Nicolas Otamendi yalitosha kuimaliza Manchester United kwenye uwanja wake wa Old Traford ambapo ilikuwa haijapoteza mechi 40 tangu Septemba 2016 ilipofungwa na Man City.

Baada ya mchezo wa jana Manchester City sasa imeweka rekodi ya kushinda mechi 14 mfululizo za ligi ndani ya msimu mmoja wa EPL.