Mkuu wa mkoa wa Mjini Magharibi visiwani Zanzibar, Ayoub Mohamed Mahamoud amesema kuwa baa zitafanya kazi masaa manne tu ndani ya siku kuanzia saa kumi jioni hadi saa mbili usiku.

Kauli ya mkuu wa mkoa huyo inakuja baada ya kukithiri kwa vitendo vya unyanyasaji wa kijinsia na ongezeko la wimbi la madada poa visiwani humo.

Kwa upande wake Mwenyekiti wa  Kamati  za  Baa Zanzibar, Hussein  Ali  Kimti  amesema kitendo cha kupunguza muda wa saa za kazi  kutapelekea ugumu mkubwa wa maisha yao ya kila siku kwani ni wazi kipato chao kitaporomoka kwa kasi kubwa kutokana uchache wa muda.

Naye Mwanasheria wa Jumuiya  ya  Wafanyabiashara   wa  Vyakula  na  vinywaji Zanzibar, Hassan  Cornel  amesema  agizo  lililotolewa na mkuu huyo wa mkoa ni  zito kwa  wafanyabiasahra  hao kwani wamekuwa  wakilipa  kodi  hivyo amemtaka kuweka  mikakati mizuri ili kuendana na mazingira  ya  kodi  zao.