Mwanamuziki wa Bongo Fleva, Ambwene Yessaya maarufu kama AY ametangaza kolabo yake na Bienaimesol ambaye ni mwimbaji wa kundi la Sauti Sol tokea nchini Kenya.

AY ambaye ni mwanamuziki wa kwanza kufanya kolabo za kimataifa kutokea Tanzania mara hii anamshirikisha Bien kutokea kundi hilo maarufu aliowahi kuwashirikisha miaka kadhaa iliyopita kwenye wimbo wake ‘I Don’t Wanna Be Alone’.

Si mara ya kwanza Ay kufanya ngoma na mwanamuziki huyo kwani miaka ya nyuma aliwashirikisha Sauti Sol kwenye nyimbo ambayo ndio kama iliwatambulisha kwenye muziki huo.

AY amewataka mashabiki wake kukaa mkao wa kula kuipokea ngoma yake hiyo kwani imeandaliwa vizuri hivyo waisubilie kwa hamu sana.