Mwanamuziki wa Bongo Flava, Aslay amesema kuwa bado hajafikia kulinganishwa na wasanii wa Bongo Fleva, Diamond na Alikiba walioanza muziki huo kwa muda mrefu.

Aslay amesema anaona bado kuna kazi anapaswa kufanya ili kuwafikia wasanii na watu wanaomlinganisha na hao watamfanya abweteke.

Mwanamuziki huyo amesema kuwa “Kwanza mimi huwa sipendi kufanishwa na wasanii wakubwa, kwa sababu kwanza ukinifanisha unanifanya akili yangu ilale, halafu mimi mwenyewe najiona sijafika sehemu fulani”.

Pia ameongeza kwa kusema kuwa “Na hata meneja wangu na watu wanaonizunguka wanaweza kusema wewe bado hujafika sehemu aliyofika labda Alikiba au Diamond, huo utakuwa uongo kusema eti Aslay kafika level ya Alikiba na Diamond au msanii yeyote ambaye ameshavuka mipaka ya nchi na kupeleka muziki na watu wakampenda, bado sijafikia hatua hiyo.

Mashabiki wa muziki wa Bongo wanamfananisha mwanamuziki huyo na wasanii hao kwa kutokana na ubora wa kazi zake kwasasa.