Mwanamuziki wa Bongo Fleva, Alikiba ametambulisha wimbo wao  mpya wa ndombolo kutoka lebo ya Kings Music akiwa na wasanii wake.

Wimbo huo ambao upo katika mahadhi ya bolingo, umewashirikisha wasanii wote waliopo katika lebo hiyo akiwemo yeye mwenyewe, mdogo wake Abdu Kiba, K2ga na Tommy Flavour.

Katika ujumbe wake akiwa anautumbalisha wimbo huo, Kiba amesema majira ya joto ndio haya itakuwa ni furaha, kwa kuangusha mziki mfululizo (Back 2 Back) mpaka pale albamu yangu itakapokamilika.

Hii itakuwa ni albamu yake ya tatu kuitoa ikitanguliwa na ile ya Cinderella na Ali K 4Real aliyoiachia mwaka 2008 ambayo ni miongoni mwa albamu kumi bora katika mtandao wa BOOMPLAY Afrika Mashariki.