Mwanamuziki nyota wa Bongo Fleva, Alikiba amewashukuru mashabiki wake waliompigia kura baada ya kushinda tuzo ya kijana mwenye ushawishi mkubwa Afrika.

Alikiba ameshnda tuzo hiyo inayotolewa na Africa Youth Awards ikiwa ni namna mojawapo ya kumpongeza kwa jitihada anazozifanya katika fani yake na uhamasishaji wa vijana katika kusaka maendeleo.

Mwanamuziki huyo kupitia ukurasa wake instagram ametoa shukrani kwa wote waliona mchango wake na kumpigia kura na kupata tuzo hiyo, ameandika ‘Nashukuru Sana’.

Alikiba anayefanya kazi zake chini ya lebo ya Rockstar 4000 na Sony Music Entertainment amewashukuru wote waliomsapoti mpaka kushinda tuzo hiyo barani Afrika.

Tuzo hiyo imekuja baada ya mwanamuziki huyo kuchangia kukua kwa sanaa ya muziki nchini Tanzania na Afrika kwa ujumla.

Kwa Tanzania tuzo hiyo imekuwa ikiwaniwa na wasanii wengi na wakubwa akiwemo, Jokate Mwagelo, Idriss Sultan, Ambwene Yessaya, Diamond Platinumz na wengine wengi walionesha juhudi za kimaendeleo katika mwaka 2017.