Mwanamuziki wa Bongo Fleva, Alikiba amesema licha ya wasanii wa zamani kupitia changamoto nyingi katika muziki huo wanapaswa kuelewa kwa sasa muziki umebadilika.

Kauli hiyo ya Alikiba imekuja kufuatia kauli za wasanii wa zamani kulalamika kuwa wananyimwa sapoti kutoka kwenye media.

Kiba amesema kuwa wasanii wa zamani wameutoa muziki mbali ila wanapobadilika wanakuwa katika nafasi nzuri zaidi ya kunufaika nao kwani muziki wa sasa una fedha ukilinganisha na zamani.

Pia amesema kuwa anapenda changamoto ambazo wanakutana nazo wasanii wa zamani, sasa hivi wajitambue kuwa muziki umebadilika sana.

Pia Kiba ameongeza kwa kusema kuwa wasanii wa zamani wameutoa muziki mbali kitu ambacho anashukuru, sisi tumeukuta tu tunauendeleza.