Mkali wa Bongo Fleva, Alikiba amethibitisha ujio wa bidhaa zake ambazo zipo mbioni kuingia sokoni.

Alikiba amethibisha hayo wakati akifanyiwa mahojiano na mtangazaji wa kipindi cha Mseto cha Citizen Radio nchini Kenya, Willy Tuva

Mwanamuziki huyo amesema kuwa ni tofauti na watu wengi walivyokuwa wakifikiria lakini hizo bidhaa zipo, nimeshasajili kila kitu kwa hiyo ni kuingiza tu bidhaa,” amesema Kiba.

Kiba alisema kuwa “Plan zetu ndio zinafanyika na soon watu tutawaonyesha kuanzia chini ni kitu gani ambacho tunakifanya ili twende nao sambamba wajue bidhaa itafika lini au kama imekamilika tuwaonyesha kama imekamilika. Kila kjitu nitakjuwa nawaonyesha kama ni energy drinks, mavazi,”.

Pia amesema kuwa “Mimi nilisha kuwa na lebo muda mrefu sana, sema kazi zangu hazikuwa za matangazo kama hivyo.

Ameendelea kusema kuwa Ni muda mrefu nimeanza kufanya muziki na kusaidia watu sio leo, toka nipo katika game kabla sijapumzika nilikuwa na lebo yangu ya muziki lakini haikuwa inatangazwa. Sasa hivi kila kitu kipo kwenye utandawazi, kila mtu anatakiwa kujua Alikiba ana lebo na anafanya hivi na hivi.”

Mwisho amemalizia kwa kusema kuwa “Nipo na wasanii ambao nimewasaini lakini bado sija watangaza wala kutoa kazi zao, tupo kwenye procsess za mwisho kwa sababu kila mtu kasharekodi nyimbo yake bado kushoot video ndio tuwatangazie watu,”.

Alikiba akiingiza sokoni bidhaa hizo ataungana na mwanamuziki mwenzake Diamond Platunumz ambaye ameingiza sokoni bidhaa zake za Perfume pamoja na Karanga.