Mwanamuziki wa Bongo Fleva, Alikiba amefanikiwa kushinda tuzo mbili za All Africa Music Awards 2017 (AFRIMA) zilizotolewa jijini Lagos nchini Nigeria.

Alikiba ameshinda Tuzo hizo katika vipengele vya Best Africa Collaboration kupitia ngoma ‘Aje’ pamoja na kipengele cha Best Artist or Group in Africa RnB and Soul ambapo pia ni kupitia ngoma ya ‘Aje’ kwa kushirikiana na M.I.

Msanii mwingine aliyeshinda tuzo hiyo kutoka Tanzania ni Nandy  ambaye ameshinda katika kipengele cha Best Female Artist In Eastern Africa Award.

Wasanii wengine wa Tanzania waliokuwa wakiwania ni pamoja na Feza Kessy na Vanessa Mdee ambapo awakufanikiwa kushinda kwenye tuzo hizo.

Utoaji wa tuzo hizo umefanyika nchini Nigeria na kuhudhuriwa na wanamuziki kibao kutoka barani Afrika ambapo wengi wao walikuwa wakiwania tuzo hizo.