Mwanamuziki wa Bongo Fleva, Alikiba amefunguka na kusema kuwa ameamua kufuta wimbo wake mpya wa ‘Hela’ katika mtandao wa youtube kwasababu siku ya Jumanne siyo siku yake ya kuachia wimbo.

Alikiba hivi karibuni amekumbana na lawama na kejeli za mashabiki baada ya kufuta wimbo wake huo siku ya Jumanne wiki hii.

Alikiba amesema sababu kubwa ya kufuta wimbo huo ni siku ambayo aliachia, kwani haikuwa siku ambayo huitumia kuachia nyimbo mpya.

Mwanamuziki huyo ameema kuwa “Siku yenyewe haikuwa siku yangu ambayo napenda kurelease nyimbo, ilikuwa siku ya Jumanne so tukamwambia jamaa autoe, inatakiwa siku kama ya leo Alhamisi, ndio maana ulikuta umetoka kwenye Youtube, ila sasa hivi ukiingia utaikuta”.

Alikiba amelazimika kutoa maelezo hayo baada ya kushambuliwa na mashabiki kuwa ameutoa wimbo huo kwa kuwa ni mbaya na wa zamani.