Rais wa Jamhuri ya Muungano wa Tanzania, Dkt. John Pombe Magufuli amemtaka mkuu wa mkoa wa Dar es Salaam, Paul Makonda kuchapa kazi na kuachana na habari za mitandaoni zinazomuhusu Mkuu wa mkoa huyo.

Rais Magufuli amesema hayo leo wakati wa uwekaji wa jiwe la msingi la barabara za juu (Flyovers) eneo la Ubungo jijini Dar es Salaam.

Kauli hiyo ya Rais Magufuli ya kumtaka mkuu wa mkoa kufanya kazi na kuachana na habari za mitandaoni imekuja baada ya kuenea taarifa kuhusu Makonda kuvamia ofisi za Clouds Media siku Ijumaa usiku.

Rais Magufuli amesema kuwa yeye ndiyo anajua mwenyewe nani anatakiwa kuwa wapi akae wapi pia yeye ndiyo anayepanga nafasi za viongozi.

Magufuli amesema kuwa “Suala la kuandikwa kwenye mitandao sio tija kwangu, hata mimi ninaandikwa kwenye mitandao kwahiyo nijiuzulu urais? Chapa kazi, hapa kazi tu.”

Kashfa zinazomkabili Makonda ambazo zimesambaa kwenye mitandao ya kijamii ni kudaiwa kughushi vyeti na kwamba jina lake halisi ni Daudi Bashite, kutumia vibaya madaraka yake Baada ya kuvamia studio za Clouds Media Group.