Kocha wa Manchester United, Jose Mourinho amesema kuwa wachezaji wake walifanikiwa kuwadhibiti wapinzani wao Chelsea baada ya kushinda 2-0 kwenye mechi ya ligi ya Uingereza katika uwanja wa Old Trafford.

Lakini Mreno huyo hakuzidiwa wakati huu ambapo aliwapanga pamoja Marcus Rashford na Jesse Lingard safu ya mshambulizi na akampumzisha Zlatan Ibrahimovic.

Rashford alitangulia kufunga na Ander Herrera, ambaye alimdhibiti vilivyo Eden Hazard alifunga goli la pili kipindi cha pili.

Baada ya mechi kumalizika Maurinho amesema kuwa “Nimefurahishwa sana na vijana wangu. Nina furaha isiyo na kifani – na si kwa sababu ni Chelsea, ni kwa sababu tulihitaji alama hizo tatu.

Manchester United watakuwa wenyeji wa Anderlecht mechi ya marudiano Europa League Alhamisi ambapo mechi ya awali walitok 1-1 nchini Ubelgiji.